(ខេត្តកណ្តាល)៖ នៅថ្ងៃទី២១ ខែសីហា​ ឆ្នាំ២០២៦ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរស័ព្ទដៃ NoDrug ថាមានករណី ជួញដូង​ និងប្រើប្រាស់ខុសច្បាប់នូវសារធាតុញៀន នៅចំណុច​ភូមិទួលស្រម៉ ឃុំពើក ស្រុក​អង្គស្នួល​ ខេត្ត​កណ្ដាល ទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរស័ព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការ សហការនិងផ្តល់ព័ត៌មានដល់កម្លាំងជំនាញ ដោយមានការដឹកនាំដោយលោក​ឧត្តមសេនីយ៍ត្រី គង់ ស៉ីដន ស្នងការរងទទួលផែនការងារប្រឆាំងគ្រឿងញៀន​ និងមានការសម្របសម្រួលនីតិវិធីពីឯកឧត្ដម ព្រះរាជអាជ្ញានៃអយ្យការអមសាលាដំបូង អធិការដ្ឋាននគរបាលស្រុក ដឹកនាំដោយលោកវរសេនីយ៍ឯក​ មាន​ សំណាង​ អធិការនគរបាលស្រុក បើកប្រតិបត្តិការបង្ក្រាបករណីនេះ​ និងបានឃាត់ខ្លួនជនសង្ស័យចំនួន​ ៤នាក់(ស្រី១នាក់)។វត្ថុតាងចាប់យក ម្សៅក្រាមសថ្លា​សង្ស័យ​ថា​ជា​សារធាតុញៀន​(ម៉ាទឹកកក)​ ០១កញ្ចប់តូច​ទម្ងន់០,៣៧ក្រាម​ ទូរសព្ទដៃ០២គ្រឿ​ង (១-ម៉ាកoppo ពណ៌​ខ្មៅ​ ,២-ម៉ាកiphone13 ពណ៌​ខ្មៅ​)​ សម្ភារសម្រាប់ប្រើប្រាស់​ និងថង់វេចខ្ចប់គ្រឿងញៀនមួយចំនួន។ បច្ចុប្បន្នជនសង្ស័យ ត្រូវបានកម្លាំងជំនាញចាត់ការតាមនីតិវិធីច្បាប់បន្ត៕