នគរបាលបាត់ដំបង ចាប់ខ្លួនជនសង្ស័យចំនួន ៥នាក់ ស្ថិតនៅចំណុចក្រុងបាត់ដំបង បន្ទាប់ពីពលរដ្ឋរាយការណ៍តាមកម្មវិធីទូរស័ព្ទដៃ NoDrug
(ខេត្តបាត់ដំបង)៖ នៅថ្ងៃទី១៧ ខែកញ្ញា ឆ្នាំ២០២៦ ក្រោយពីកម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទទួលព័ត៌មានតាមរយៈកម្មវិធីទូរស័ព្ទដៃ NoDrug ថាមានករណី ប្រេីប្រាស់ដោយខុសច្បាប់នូវសារធាតុញៀន នៅចំណុចភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង បានទំនាក់ទំនងជាមួយកម្លាំងគណៈកម្មការគ្រប់គ្រងកម្មវិធីទូរស័ព្ទ NoDrug និងបញ្ជូនព័ត៌មានភ្លាមៗ ទៅកាន់សមត្ថកិច្ចជំនាញនៅមូលដ្ឋាន។ឯកឧត្តម ឧត្ដមសេនីយ៍ទោ ឃន តារាសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណៈកម្មការសហការ និងផ្តល់ព័ត៌មានដល់កម្លាំងជំនាញដោយមានការដឹកនាំដោយលោក វរសេនីយ៍ឯក សុខ និមល ស្នងការរង ផែនការងារប្រឆាំងគ្រឿងញៀន សហការជាមួយកម្លាំងជំនាញការិយាល័យប្រឆាំងគ្រឿងញៀន បានចុះដល់ទីតាំងប្រតិបត្តិការបង្ក្រាបករណី ប្រេីប្រាស់ដោយខុសច្បាប់នូវសារធាតុញៀន ក្នុងបទល្មើសជាក់ស្ដែង និងបានធ្វើតេស្តទឹកនោមស្វែងរកសារធាតុញៀនជាលទ្ធផលវិជ្ជមាន(+) និងបានឃាត់ខ្លួនជនសង្ស័យចំនួន ៥នាក់។វត្ថុតាងចាប់យក - ថ្នាំញៀនប្រភេទមេតំហ្វេតាមីន ម៉ាទឹកកក(ICE) ចំនួន ១ថង់ ទម្ងន់០,៣១ក្រាម (ថ្នាំសុទ្ធ) , ថង់ប្លាស្ទិកតូចៗពណ៍សថ្លាមួយចំនួន , ដែកកេះចំនួន ២ , កូនកាំបិតចំនួន ១ , ទូរស័ព្ទដៃចំនួន ២គ្រឿង , ខ្សែកមានបន្តោងរូបព្រះ ចំនួន ១ , ប្រាក់ខ្មែរចំនួន ២២,០០០រៀល , កាបូបដាក់ប្រាក់ចំនួន ១ , លោហះធាតុពណ៌ស(ខ្សែដៃចំនួន ១ខ្សែ និងក្រវិលចំនួន ១ , កង់ចំនួន ១គ្រឿង និងម៉ូតូចំនួន ១គ្រឿង។ បច្ចុប្បន្នជនសង្ស័យខាងលេី និងវត្ថុតាងត្រូវបានកសាងសំណុំរឿង បញ្ជូនទៅតុលាការចាត់ការតាមនីតិវិធីច្បាប់៕
